Ռուսական շոկոլադի ներկրումն Ուկրաինա կթույատրվի միայն ապրանքի արժեքի 31.33 տոկոսի չափով վարչական տուրք վճարելու պայմանով:
Ինչպես տեղեկացնում է Корреспондент-ը, երկրի միջազգային առևտրի հարցով միջգերատեսչային հանձնաժողովը որոշում է կայացրել վարչական տուրք սահմանել Ռուսաստանում արտադրված շոկոլադի և կակաոյի հիմքով արտադրված այլ ապրանքների ներկրման համար:
Աղբյուրը նշել է, որ տուրքերը գործելու են հինգ տարի ժամկետով:
Հիշեցնենք, որ ռուսական արտադրանքի նկատմամբ տուրք Ուկրաինան սահմանել էր նաև անցյալ ամիս: Կիևը նաև խոստացել է հետաքննություն անցկացնել Ռուսաստանից պարարտանյութի ներկրման գործով: