Uber տաքսի պատվիրելու առցանց ծառայության հեղինակ Թրևիս Կալանիկը մտադիր չէ վաճառել իր բիզնեսը, գրում է ՏԱՍՍ գործակալությունը:
«Ի՞նչ արձագանք եք ակնկալում, եթե հարցնեք ամուսնության մեջ երջանիկ տղամարդուն` ով է լինելու իր հաջորդ կինը»,- ասել է ընկերության հիմնադիրը:
Այդ տոնով և ժպիտով նա շարունակել է, որ այդ առումով ինքը մի քանի կին է ունեցել, սակայն հիմա կենտրոնացած է միայն մեկի` Uber-ի վրա:
Պատասխանելով հարցերին` Կալանիկը նշել է, որ նախկինում ինքը վաճառել է ընկերությունում իր բաժնետոմսերի մի մասը, սակայն դա եղել է ռազմավարութան մաս:
«Նախորդ 1.5 տարվա ընթացքում մենք ներգրավել ենք 10 մլրդ դոլար, այդ պատճառով էլ գումար ունենք: Մեր գործընկերները ներգրավում են միլիարդավոր դոլարներ և ընկնում են պարտքերի մեջ: Սակայն մեր խնդիրն է՝ լինել կարգապահ բիզնեսի ստեղծման ժամանակ»,- ասել է նա: