Տնտեսական համագործակցության և զարգացման կազմակերպության (OECD) անդամ երկրներում անձնական կյանքին ամենաքիչ ժամանակը տրամադրում են Թուրքիայի քաղաքացիները, այս մասին գրում է թուրքական diken.com.tr կայքը` հղում անելով կազմակերպության հրապարակած զեկույցին:
Հայտնի է, որ Թուրքիայում աշխատողների 39.3 տոկոսը շաբաթական աշխատում է ավելի քան 50 ժամ, իսկ անձնական կյանքին տրամադրում օրական 12 ժամից պակաս, այն դեպքում, երբ OECD անդամ երկրների բնակիչներն անձնական կյանքին տրամադրում են միջինը 15 ժամ: Ֆրանսիայում, օրինակ, այդ ցուցանիշը 16.4 ժամ է:
Ցուցակում Թուրքիային հետևում են Իսրայելը, Լատվիան և Մեքսիկան, որտեղ աշխատող քաղաքացիներն իրենց անձնականին կարողանում են տրամադրել 14 ժամից պակաս ժամանակ:
↧
Թուրքիայում աշխատողների 39.3 տոկոսը շաբաթական աշխատում է ավելի քան 50 ժամ. OECD
↧