Ֆրանսիայում 100 հազար եվրոյով վաճառվել է աշխարհի ամենաթանկ ռոմի շիշը, որը ստեղծվել է ֆրանսիական Clément ընկերության և Ֆիլիպ Տուրների ոսկերչական տան համագործակցության արդյունքում:
Liberation-ը գրում է, որ թանկարժեք ըմպելիքը ձեռք է բերել իտալացի, ում անունը չի հաղորդվում: Հայտնի է, որ ռոմի շիշը պատրաստված է Բաքարա ապրանքանիշի բյուրեղապակուց և զարդարված է 18 կարատ ոսկով, ինչպես նաև` 4 կարատ ադամանդներով:
Նշվում է, որ խոսքը 1966 թվականի Clément ռոմի մասին է, որն անցյալում երբեք չի վաճառվել: Ընդհանուր առմամբ, աշխարհում գոյություն ունի այդ տեսակի ռոմի մոտ 40 շիշ:
