Վերջին երեք տարիներին Ռուսաստանի քաղաքացիները սկսել են ավելի քիչ միս, ձուկ, կաթնամթերք և շաքար ուտել, ընդ որում՝ ավելացել է բանջարեղենի սպառումը: Այդ մասին գրում է Известия-ն՝ վկայակոչելով Ռուսաստանի վիճակագրական ծառայության տվյալները:
Այսպես՝ 2013-2015 թվականներին, նախորդ շրջանի համեմատ, միջին վիճակագրական ռուսաստանցին սկսել է 2 կիլոգրամ ավելի քիչ միս, 5 կիլոգրամ ավելի քիչ ձուկ, 9 կիլոգրամ ավելի քիչ կաթնամթերք և 1 կիլոգրամ ավելի քիչ շաքար օգտագործել:
Փոխարենը, նշվում է, որ Ռուսաստանի քաղաքացիները սկսել են շատ բանջարեղեն ուտել:
«2015 թվականին յուրաքանչյուր ռուսաստանցի օգտագործել է 112 կիլոգրամ կարտոֆիլ, ինչը 1 կիլոգրամով շատ է, քան 2012-2014 թվականներին, և 3 կիլոգրամ ավելի շատ, քան 2005 թվականին: Իսկ դդմիկի, դդումի և ձմերուկների օգտագործումը 2013 թվականից 2015 թվականն աճել է 2 կիլոգրամով, իսկ 2005 թվականի համեմատ՝ 24 կիլոգրամով»,- գրում է թերթը:
Այդ փոփոխությունները բացատրվում են գնաճով և ռուսների եկամուտների նվազմամբ: