ԱՄՆ Միչիգան նահանգի Դետրոյթ քաղաքում անցկացվող միջազգային ավտոշոուի ժամանակ «Տարվա լավագույն հյուսիսամերիկյան ավտոմեքենա» անվանակարգում հաղթող է ճանաչվել Chevrolet Bolt էլեկտրամոբիլը:
Automotive News-ի հաղորդմամբ` լավագույն մոդելներն ընտրվել են նաև երկու այլ անվանակարգերում. լավագույն պիկապ է ճանաչվել Honda Ridgeline-ը, իսկ լավագույն ամենագնաց` Chrysler Pacifica մոդելը:
Նշվում է, որ հաղթողներին ընտրել է հեղինակավոր 57 ավտոլրագրողներից կազմված ժյուրին, որը գնահատել է մրցույթի մասնակիցների տեխնոլոգիականությունը, անվտանգությունը, դիզայնը, արժեքն ու այլ չափանիշներ:
Հիշեցնենք, որ Դետրոյթի միջազգային ավտոմոբիլային շոուի ժամանակ Hyundai Motor ընկերությունը ներկայացրել է երեք նորագույն էկոլոգիական մոդել:
Chevrolet Bolt
Honda Ridgeline
Chrysler Pacifica
