ՌԴ անասնաբուժական և բուսասանիտարական վերահսկողության հարցերով «Ռոսսելխոզնադզոր» դաշնային ծառայությունն (Россельхознадзор) արգելել է Թուրքիայից 24,5 տոննա մանդարինի ներկրումը Կրասնոդարի երկրամաս, ասվում է ծառայության կայքում:
Ծառայության հաղորդմամբ` մանդարինների մեջ հայտնաբերվել է միջերկրածովյան պտղային ճանճ. այս վնասատուն բացասաբար է ազդում ծիրանենու, խնձորենու, սալորենու, բալենու պտուղների, ինչպես նաև ավելի քան 200 տեսակի այլ բուսատեսակների վրա:
«Վարակված բեռի ներկրումն արգելվել է Ռուսաստանի Դաշնության տարածքում կարանտինային օբյեկտի ներթափանցումն ու տարածումը կանխելու նպատակով», - հայտնել է ծառայությունը: