Լոս Անջելեսում կայացած աճուրդի ժամանակ վաճառվել է ԱՄՆ-ի նախագահական մրցապայքարի հանրապետական մասնակից Դոնալդ Թրամփի մերկ արձանը, ինչի մասին հայտնում է CBS Los Angeles-ը:
Աղբյուրը մանրամասնում է, որ բնական չափերին համապատասխանող արձանի համար անհայտ գնորդը վճարել է 22.000 դոլար, ինչը զգալի գերազանցել է նմուշի վերաբերյալ արված նախնական կանխատեսումները:
Հայտնի է, որ ստացված գումարի մի մասը փոխանցվելու է փախստականներին աջակցող Ազգային միգրացիոն ֆորումին:
Նշվում է, որ INDECLINE արվեստագետների անանուն ընկերակցության կողմից պատրաստված արձանը եղել է աճուրդի ընթացքում ամենաշատ քննարկված նմուշներից:
Հիշեցնենք, որ Հանրապետական կուսակցության թեկնածու Դոնալդ Թրամփը դեմոկրատ Հիլարի Քլինթոնի հետ պայքարում է ԱՄՆ-ի նախագահի պաշտոնի համար: Նշվում է, որ ընտրությունները կայանալու են նոյեմբերի 8-ին:
