2016 թվականին Եգիպտոսում զբոսաշրջային ակտիվության նվազման պատճառով 220 հյուրանոց է փակվել: Այդ մասին հաղորդվում է Ռուսաստանի տուրօպերատորների ասոցիացիայի կայքում, գրում է lenta.ru-ն:
Առավել շատ վնասներ կրել է Շարմ էլ Շեյխը, որտեղ դադարել է աշխատել 54 հյուրանոց, ևս 35-ը փակվել է Մարսա էլ Ալամում, 34-ը՝ Հուրգադայում: Նշվում է, որ ներկայում Կարմիր ծովի ոչ մի զբոսաշրջային գոտում չի մնացել ողջ հզորությամբ աշխատող հյուրանոց:
Հյուրանոցի տերերը նշում են, որ զբոսաշրջային հոսքն առավել շատ նվազել է Ռուսաստանից, Մեծ Բրիտանիայից և Իտալիայից:
Ավելի վաղ օգոստոսին ռուսական տուրօպերատորները հայտարարել էին, որ Եգիպտոսի հետ ավիահաղորդակցության արգելքը կարող է վերացվել 2016 թվականի հոկտեմբերին: