Թուրքիան հայտնվել է թավշյա սեզոնի համար Ռուսաստանի բնակիչների ամենապոպուլյար ավիաուղղությունների ցանկում: Երկիրը հայտնվել է momondo զբոսաշրջային ծառայության փորձագետների կազմած վարկանշային ցանկի 8-րդ հորիզոնականում: Այդ մասին հայտնում է lenta.ru-ն՝ վկայակոչելով ընկերության մամուլի ծառայությանը:
Մասնագետներն ուսումնասիրել են 2015 և 2016 թվականների սեպտեմբեր-հոկտեմբեր ամիսներին Ռուսաստանից մեկնմամբ ավիաչվերթների պորտալների որոնողական ավելի քան 3,6 միլիոն հարցում: Նրանք պարզել են, որ Թուրքիա ուղևորությունների պահանջարկն ընթացիկ թավշյա սեզոնի համար 47 տոկոսի անկում է գրանցել:
Երկրի ներսում ճանապարհորդությունները 2016 թվականին առաջին տեղն են զբաղեցնում, ինչպես և 2015-ին: Ավելին, նման ուղևորությունների հանդեպ հետաքրքրությունն աճել է 20 տոկոսով: Երկրորդ և երրորդ տեղերում են, համապատասխանաբար, Իսպանիան և Իտալիան:
Չորրորդ տեղում է Հունաստանը, հինգերորդ տեղում՝ Թաիլանդը: Վարկանշային ցանկի երկրորդ կեսում են հայտնվել Չեռնոգորիան, ԱՄՆ-ն, Վրաստանը և Կիպրոսը: Ընդ որում՝ հետաքրքրության ամենամեծ աճը գրանցել է Վրաստանը՝ 2015 թվականի աշնան համեմատ գրանցելով 111 տոկոսի աճ: