Business Insider-ը ներկայացրել է Apple-ի արտադրանքների շուրջ ամենավստահելի վերլուծությունները հրապարակող փորձագետի կանխատեսումները 2017-ին թողարկվելիք iPhone-ի դիզայնի և հատկությունների մասին:
Ըստ կանխատեսումների` հաջորդ տարի տեխնոլոգիական հսկայի առաջատար սմարթֆոնը լայնածավալ դիզայներական փոփոխության կենթարկվի: KGI Securities ընկերության փորձագետ Մին Չի Կուոն ենթադրում է, որ 2017-ին թողարկվելիք iPhone-ը կունենա ապակյա կորպուս` առջևից և հետևից` մետաղյա կողերով, ինչպես iPhone 4-ի դեպքում:
Սմարթֆոնը կներկայանա 5.8 դյույմ AMOLED-էկրանով: Չնայած էկրանի մեծ չափսերին` ապագա սմարթֆոնը կարող է ավելի փոքր լինել, քան ներկայիս iPhone 6S Plus-ը։
Ըստ Կուոի` մատակարարման ոլորտում աղբյուրների տվյալների` 2017-ի սարքավորումը կարող է փոխարինել plus մոդելներին: Այսինքն` այն կարող է դառնալ պրեմիում դասի ամենաառաջատար iPhone-ը:
Այն կունենա անլար լիցքավորման հնարավորություն, ինչով էլ պայմանավորվում է ապակյա կորպուսի առկայությունը: Այն կարող է համալրված լինել որևէ կենսաչափական ճանաչման գործառույթով` դեմքի կամ աչքի սկանավորմամբ: