ԼՂՀ կառավարության և Երևանի քաղաքապետարանի նախաձեռնությամբ ապրիլի 2-ին ժամը 12.00-19.00 Երևանի քաղաքապետարանի ճեմասրահում կանցկացվի «Արցախյան բարիքներ» ցուցահանդեսը, որին ներկայացված կլինեն արցախյան 28 ընկերությունների արտադրանքները և ծառայությունները, տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
Այցելուները կարող են ծանոթանալ, ինչպես նաև գնել արցախյան սննդամթերք, խմիչքներ: Առանձին տաղավարներով ներկայացված կլինեն արցախյան գորգագործությունը, տեքստիլ արտադրությունը, ինչպես նաև հյուրանոցային և ռեստորանային ծառայությունները:
