Գերմանական BMW մեքենաշինական ընկերությունն ընթացիկ տարվա օգոստոսին կարտադրի Z4 մոդելի վերջին նմուշը, ինչից հետո մեքենայի արտադրությունը կդադարեցվի:
Ինչպես նշում է motor.ru-ն, BMW-ի մասնագետները դեռևս չեն ստեղծել իրենց միակ ռոդսթերի` Z4 մոդելի փոխարինողին: Սակայն ենթադրվում է, որ Z4-ի տեղը կզբաղեցնի BMW-ի և Toyota-ի համատեղ ստեղծվող մոդելը:
Ըստ քաջատեղյակ աղբյուրների, այն կստանա Z5 անվանումը, իսկ առաջին օրինակի շնորհանդեսը կկայանա 2018թ.: