Սաուդիան Արաբիան Ռուսաստանին է զիջել Չինաստան նավթ մատակարարող առաջատար երկրի դիրքերը:
Ինչպես տեղեկացնում է Lenta.ru-ն` համապատասխան տեղեկությունը նշված է Նավթ արտահանող երկրների կազմակերպության (ՕՊԵԿ) ամենամսյա հաշվետվության մեջ, որը հրապարակվել է հուլիսի 12-ին:
Փաստաթղթում ասվում է, որ մայիսին Չինաստանն օրական 65 000 բարելով ավելացրել է Ռուսաստանից նավթի ձեռքբերման ծավալը: Մինչդեռ մատակարարումները Սաուդիան Արաբիայից Չինաստան նվազել են օրական 40 000 բարելով: Ընդհանուր առմամբ, Չինաստանն օրական 7.6 մլն բարել նավթ է ձեռք բերել:
Ռուսաստանի մասնաբաժինը չինական շուկայում կազմել է 16 տոկոս, Սաուդյան Արաբիայինը` 13 տոկոս, Իրաքինը` 11 տոկոս: