Իտալիան կարող է օգտվել Եվրամիության կազմից Մեծ Բրիտանիայի դուրս գալուց՝ Լոնդոնից ֆինանսական ինստիտուտների գրասենյակները Միլան տեղափոխելու համար: Այդ մասին հայտարարել է Իտալիայի վարչապետ Մատեո Ռենցին RTL ռադիոկայանին տված հարցազրույցում:
«Մենք Ջուզեպե Սալայի հետ (Միլանի քաղաքապետ) փորձում ենք Միլան տեղափոխել ֆինանսական ինստիտուտները, որոնք մինչ այս տեղակայված էին Լոնդոնում: Մենք նաև քննարկում ենք եվրոպական անձնագիր տրամադրելու հնարավորությունը Բոկոնի համալսարանում սովորող բրիտանացիների համար»,- ասել է Ռենցին:
Իտալիայի վարչապետը վստահություն է հայտնել, որ առավելապես Brexit-ի բացասական հետևանքները կզգան հենց բրիտանացիները, չնայած որ կանխատեսվում է տնտեսության աճի դանդաղեցում ողջ Եվրոպայում: