Դոլարի և եվրոյի փոխարժեքները նվազում են, մինչդեռ ֆունտ սթերլինգը վերականգնում է իր դիրքերը: Բրիտանական արժույթի գինն աճում է՝ արձագանքելով ԵՄ-ից Միացյալ Թագավորության հնարավոր դուրս գալու վերաբերյալ հարցման արդյունքներին: Այդ մասին վկայում են Լոնդոնի բորսայի տվյալները, գրում է lenta.ru-ն:
Երկուշաբթի օրը՝ հունիսի 20-ին, ֆունտը թանկացել է ամերիկյան փոխարժեքի համեմատությամբ ավելի քան 1,5 տոկոսով և արժե 1,46 դոլար: Բրիտանական արժույթը նաև ամրապնդել է իր դիրքերը միասնական եվրոպական արժույթի նկատմամբ՝ մինչև ֆունտի համար 1,28 եվրո:
Հունիսի 16-ին հրապարակված վերջին հարցման տվյալների համաձայն՝ հարցման մասնակիցների 45 տոկոսը հանդես է գալիս Եվրամիության կազմում Մեծ Բրիտանիայի պահպանության օգտին: 42 տոկոսը դեմ է արտահայտվել: ԵՄ-ի կազմում Մեծ Բրիտանիայի մնալու հարցով հանրաքվեն կանցկացվի հունիսի 23-ին։