Միլիարդատեր Իլոն Մասկը և բրիտանացի դերասանուհի Տալուլա Ռայլին ձեռնարկել են ամուսնալուծության 2-րդ փորձը։ AP գործակալությունը հայտնում է, որ գործարարի կինը դիմում է ներկայացրել Լոս Անջելեսի դատարան, գրում է ՏԱՍՍ գործակալությունը:
Նախկինում 2014թ. դեկտեմբերին ամուսնալուծության համար դիմել էր Մասկը, սակայն 7 ամիս անց հետ էր վերցրել դիմումը:
«Ամուսնալուծությունն իրականացվում է համատեղ համաձայնությամբ, և զույգը պայմանավորվել է, որ Ռայլին փաստաթղթերը կներկայացնի, որպեսզի դադարեցնի 2.5 տարի տևող ամուսնությունը:
Համաձայն դատարան ներկայացված փաստաթղթերի` Իլոն Մասկը և Տալուլա Ռայլին առանձին են ապրում վերջին 6 ամիսների ընթացքում և մտադիր են ընկերներ մնալ»,- նշել է աղբյուրը:
