Bonhams աճուրդի տունը պատրաստվում է վաճառել մարքսիզմի գաղափարախոսության հիմնադիր Կառլ Մարքսի «Կապիտալ» աշխատության առաջին հրատարակության օրինակներից մեկը:
Ինչպես նշում է The Guardian-ը, գիրքն արժեքավոր է այնքանով, որ դրա վրա կա Մարքսի ստորագրությունն ու ընկերոջ համար թողած երկտողը:
Հայտնի է, որ Մարքսը գերմաներենով գրված գիրքը ստորագրել է 1867թ. սեպտեմբերի 18-ին: Այնուհետև հեղինակն այն նվիրել է իր մտերիմ ընկերոջը` դերձակ Գեորգ Էկարիուսին:
Bonhams-ի փորձագետները նմուշը նկարագրելիս նշել են, որ «սա բացառիկ գիրք է, որը փոխել է աշխարհը»: Նրանց կանխատեսմամբ` գիրքը կվաճառվի 170.000-175.000 դոլարով:
Աճուրդը կայանալու է հունիսի 15-ին` Լոնդոնում: