Աշխարհում գոյություն ունեցող Ferrari 365 GTB/4 Daytona Berlinetta Alloy by Scaglietti սպորտային մեքենայի միակ օրինակը, որն ավելի քան 40 տարի կանգնած է մնացել լքված ավտոտնակում, կվաճառվի RM Sotheby's աճուրդով:
Ինչպես տեղեկացնում է Motor.ru-ն, ավտոմեքենան նախատեսվում է վաճառել 1.4-1.7 մլն եվրոյով, ի դեպ, հենց ներկայիս տեսքով՝ առանց վերականգնելու:
Ընդհանուր առմամբ, 1969-1973 թվականներին Ferrari ընկերությունը 365 GTB/4 մոդելի 1200 նմուշ է թողարկել, որոնցից 5-ը Scaglietti-ի հատուկ գերթեթև թափքով: Այդ մոդելները նախատեսված են եղել մրցարշավին մասնակցելու համար: Հինգ մոդելից միայն մեկն է հանձնվել ճանապարհային երթևեկությանը, որն էլ այժմ մտադիր են վաճառել:
Բազմաթիվ տերեր փոխելով՝ մեքենան արդյունքում հայտնվել է Ճապոնիայում, որտեղ էլ անշարժ կանգնած է մնացել 40 տարի:
