Իրանի կառավարությունը հավանության է արժանացրել ներկայում գործող ռիալի փոխարինումը նոր՝ թուման արժույթով: Այդ մասին հայտնում է IRNA գործակալությունը՝ վկայակոչելով երկրի կառավարության քարտուղար Մոհսեն Հաջի Միրզաեին:
«Ներկայիս որոշումն ուղղված է վճարային գործարքների կատարման պարզեցմանը: Մեկ թումանը հավասար կլինի 10 ռիալի, այդկերպ՝ գները բնորոշող թվերը կկրճատվեն մեկ զրոյով»,- ասել է նա:
Նա նշել է, որ նոր արժույթի անցումն ուսումնասիրել է կառավարության տնտեսական հանձնաժողովը՝ վերջին ամիսների ընթացքում: Դրամական բարեփոխման նախագիծը ներկայացրել է Իրանի կենտրոնական բանկը՝ անցած տարվա նոյեմբերին:
Թումանը շրջանառվում էր երկրում մինչև 1932 թվականը. այդ ժամանակ այն փոխարինվեց ռիալով: Այժմ այն հետ է վերադարձվելու: