«Բուրգեր Քինգի» ռուսական ստորաբաժանումն առաջարկել է «Մաքդոնալդսին» միավորվել մեկ ընկերության կազմում:
Ինչպես հայտնում է Lenta.ru-ն` վկայակոչելով ընկերության մամլո հաղորդագրոթյունը, «Բուրգեր Քինգի» տնօրենի խոսքով` ռեստորաններից յուրաքնաչյուրը նոր կառույցում կներդնի իր լավագույն արտադրանքները:
Իր կողմից նա առաջարկել է մսի պատրաստումը կրակի վրա, լավ գներն ու բարձր որակը, իսկ «Մաքդոնալդսից» պահանջել է տեղակայման ցանցն ու happy meal մանկական հավաքածուն:
Ինչպես նշվում է, նոր ընկերությունը կկոչվի «ՄաքՔինգ»: Այսպիսով կողմերը մտադիր են վերջ դնել հավերժ դիմակայությանը:
Նշենք, որ այսօր ավելի վաղ հայտնի էր դարձել, որ «Յանդեքսը» և Uber-ը Ռուսաստանում, Ադրբեջանում, Հայաստանում, Բելառուսում, Վրաստանում և Ղազախստանում բիզնեսի և տաքսու օնլայն պատվերի ծառայության միավորման համաձայնագիր են ստորագրել: