Բրիտանական Amalgam ընկերությունը, որը մասնագիտանում է շքեղ ավտոմեքենաների բարձրակարգ խաղալիք-կրկնօրինակների պատրաստման գործում, հայտարարել է LaFerrari Aperta մակնիշի շարքի թողարկման մասին:
Ինչպես տեղեկացնում է Motor.ru-ն, ինչպես և իրական սուպերքարի պարագայում, կրկնօրինակը ևս կթողարկվի 209 հատ՝ սահմանափակ քանակությամբ: Եվ միայն հազվագյուտ մեքենայի սեփականատերերը կկարողանան պատվիրել մեքենայի փոքր տարբերակը՝ իրենց ցանկացած գույնով` կարմիր կամ սև:
Խաղալիք սուպերքարի արժեքը, որը ներկայանալու է 1:8 մասշտաբով, չի նշվում, սակայն Amalgam-ի գործերը բազմիցս գնահատվել են 10 000 դոլար և ավելի:
Բացի այդ, մեկ հատուկ մոդել կվաճառվի բավականին խոշոր արժեքով: Այն սպիտակ գույնի է` հատուկ պատվանդանով, որը կարող է իր ներսում թաքցնել խաղալիք մեքենան:
