Իտալական Միլան քաղաքում մահացել է 85-ամյա գործարար Լուչանո Տամինին, որի վերջին կամքի համաձայն՝ իրեն պատկանած գործարանի աշխատակիցներից ամեն մեկը ստացել է 15.000, իսկ ինժեներները՝ 10.000 եվրո:
Ինչպես նշում է italia-ru.com կայքը, ընդհանուր առմամբ, աշխատակիցները ստացել են 4 մլն եվրո:
Բացի այդ, հանգուցյալ գործատուի կամքով՝ աշխատողներից յուրաքանչյուրին 8 ազատ ժամ է հատկացվել ղեկավարի հուղարկավորությանը մասնակցելու համար:
Աղբյուրը մանրամասնում է, որ այս ամենը գրված է եղել հուլիսի 1-ին կյանքից հեռացած Տամինիի կտակում:
Հայտնի է, որ Տամինին տևական ժամանակ ղեկավարել է համանուն ընտանեկան բիզնեսը՝ տրանսֆորմատորների արտադրությամբ զբաղվող գործարանը:
Նշվում է, որ գործարանում աշխատում է մոտ 300 մարդ, որոնք պարբերաբար գումարային բոնուսներ են ստանում:
↧
Իտալացի գործարարը 4 մլն եվրո է կտակել իր աշխատողներին
↧