Ամերիկացի հանրահայտ դերասան Ջորջ Քլունին գործընկերների հետ միասին 1 միլիարդ դոլարով կվաճառի Casamigos տեկիլայի բրենդը Diageo ալկոհոլի բրիտանական արտադրողին: Այդ մասին գրում է Daily Mail-ը:
Ինչպես հայտնի է դարձել՝ Diageo-ն մտադիր է 700 միլիոն դոլար վճարել գործարքի ավարտից հետո: Այդկերպ երեք սեփականատերերից յուրաքանչյուրը կստանա 233 միլիոն դոլար: Եվս 300 միլիոն դոլար կվճարվի 10 տարվա ընթացքում:
Նշվում է, որ Քլունին հիմնել է Casamigos բրենդը Սինդի Քրոուֆորդի ամուսին Ռենդ Գերբերի և անշարժ գույքի ոլորտի գործարար Մայք Մելդմանի հետ:
Casamigos տեկիլան վաճառվում է աշխարհի 20 երկրում՝ 45-55 դոլարով: Քլունին և բրենդի մյուս հիմնադիրները մտադիր են մնալ ընկերության աշխատակիցների թվում նաև վաճառքից հետո: