Ոսկու պաշարները Ռուսաստանի միջազգային պահուստներում այս տարվա մայիսին ավելացել են 1.3 տոկոսով կամ 21.8 տոննայով` հունիսի 1-ի դրությամբ կազմելով 54.9 մլն ունցիա (1707,6 տոննա):
Այս մասին հաղորդում է Lenta.ru-ն` մեջբերելով ՌԴ Կենտրոնական բանկի տվյալները: Մայիսին պահուստային ոսկու արժեքը բարձրացել է 0.9 տոկոսով` կազմելով 69.3 մլրդ դոլար:
2017-ի ապրիլին Ռուսաստանի բանկը 6.2 տոննա ոսկե մետաղադրամ է ձեռք բերել, մարտին` 25 տոննա, փետրվարին` 9.3 տոննա, հունվարին` 31.1 տոննա: Տարեսկզբից ձեռքբերված ոսկու քանակը կազմում է 93.4 տոննա:
Thomson Reuters-ի տվյալներով` Ռուսաստանի բանկը համաշխարհային կենտրոնական բանկերի շարքում 5-րդ տարին անընդմեջ առաջատարն է ոսկու պաշարների աճի առումով:
Միջազգային կամ ոսկու և արտարժույթի պաշարները արտասահմանյան արժույթով, ոսկով պահվող ակտիվներ են:
