Եվրամիության անդամ երկրների արտգործնախարարներն առանց քննարկման մեկ տարով երկարաձգել են Ղրիմի և Սևաստոպոլի նկատմամբ պատժամիջոցները: Այդ մասին հայտնում է lenta.ru-ն՝ վկայակոչելով ԵՄ խորհրդի մամուլի ծառայությունը:
Նշվում է, որ պատժամիջոցների գործողության ժամկետը պետք է ավարտվեր 2017 թվականի հունիսի 23-ին:
ԵՄ խորհրդում բացատրել են, որ պատժամիջոցները «սահմանափակված են Ղրիմի և
Սևաստոպոլի տարածքով»:
Եվրոպական ընկերություններին արգելված է ապրանքներ և տեխնոլոգիաներ Ղրիմ մատակարարել տրանսպորտի, հեռահաղորդակցությունների, նավթի արդյունահանման ոլորտում, ինչպես նաև արգելված է այդ ոլորտներում ծառայությունների տրամադրումը: Բացի այդ, ԵՄ-ն թերակղզում արտադրված ապրանքների ներկրման արգելք է սահմանել: