Երկրի առաջին ընտանիքի դիզայներ լինելը կարող է ոգեշնչող լինել շատերի համար, սակայն բազմաթիվ հայտնի դիզայներներ, ինչպիսիք են Մարկ Ջեյքոբսը, Ջոզեֆ Ալտուզարան, Ֆիլիպ Լիմը, Թոմ Ֆորդը հրաժարվել են զբաղվել ԱՄՆ նախագահ Դոնալդ Թրամփի ընտանիքի հագուստի նախագծմամբ:
Այս մասին հայտնում է The Independent-ը` նշելով, որ դիզայներները հրաժարվել են աշխատել Սպիտակ տան ներկայիս բնակիչների համար` որպես բողոքի նշան Թրամփի վարած քաղաքականության դեմ:
Ամերիկյան հայտնի դիզայներներից մեկը` Զաք Պոզենը, ով նախկինում հագուստներ է մոդելավորել Մելանյա և Իվանկա Թրամփների համար, հրաժարվել է կրկին նրանց հետ աշխատելուց: Դիզայների խոսքով` շատերը ներկայում չեն ցանկանում ինչ-որ կերպ փոխկապակցված լինել քաղաքականության հետ: