ԱՄՆ նախագահ Դոնալդ Թրամփի դուստր Իվանկա Թրամփին պատկանող ընկերությունը նախագահական ընտրությունների օրվանից երկիր է ներմուծել 53,5 տոննա չինական արտադրության լայն սպառման ապրանքներ: Այս մասին հայտնում է The Independent-ը` հղում անելով Agence France-Presse լրագրողական հետաքննությանը:
Փորձագետներին հաջողվել է պարզել, որ նոյեմբերի 8-ից փետրվարի 26-ն ընկած ժամանակահատվածում ԱՄՆ-ի մաքսային ծառայությունով անցել է Իվանկա Թրամփի ընկերության 82 բեռնափոխադրում, այդ թվում` բլուզներ, դրամապանակներ և կոշկեղեն:
Նշվում է, որ բոլոր այս ապրանքներն արտադրվել են Իվանկա Թրամփի արտադրության արտոնագրեր ունեցող երեք ամերիկյան ընկերության չինական գործարաններում: