Իրաքը հույս ունի մի շարք ոլորտներում ռազմավարական համագործակցություն զարգացնել Ռուսաստանի Դաշնության հետ: ТАСС գործակալության հաղորդմամբ` այս մասին ասվում է երկրի նախագահ Ֆուադ Մասումի գրասենյակի հաղորդագրության մեջ, որը հրապարակվել է ռուսական պատվիրակության հետ հանդիպման ավարտին:
Հաղորդագրության մեջ նշվում է, որ կողմերը քննարկել են քաղաքական, ռազմական և տնտեսական համագործակցության ընդլայնման հարցերը, ինչպես նաև իրաքյան տնտեսությունում և նավթային հատվածում կատարվելիք ռուսական ներդրումների մասին: Մասումի խոսքով` Բաղդադը պատրաստ է ապահովել դրա համար անհրաժեշտ պայմանները:
Անդրադառնալով «Իսլամական պետություն» ահաբեկչական խմբավորման դեմ պայքարին` իրաքցի առաջնորդն ընդգծել է տեղեկատվության փոխանակման և Իրաքի հետ համակարգման անհրաժեշտությունը ԻՊ-ի ոչնչացման համար: