Տարիներ շարունակ թռչող մեքենաների նախագծմամբ ու հավաքմամբ զբաղվող PAL-V հոլանդական ընկերությունը սկսել է ընդունել առաջին սերիական մոդելի նախնական պատվերները:
Ինչպես նշում է motor.ru-ն, Liberty Pioneer Edition կոչվող թռչող մեքենան կարժենա 499.000 եվրո, սակայն նախնական պատվեր տալու համար անհրաժեշտ է վճարել 25.000-ը:
Ընկերությունը մտադիր է արտադրել 90 այդպիսի փոխադրամիջոց, ինչից հետո վաճառքի կհանվի սերիական մոդելի ավելի մատչելի՝ Liberty Sport մոդելը:
Աղբյուրը մանրամասնում է, որ ցամաքով և օդով տեղաշարժվող աերոմոբիլը երկտեղանոց է և համալրված Rotax շարժիչով: Այն ցամաքային ռեժիմից օդայինի փոխելու համար պահանջվում է 10 րոպե: Թափ հավաքելու և օդ բարձրանալու համար մեքենան պետք է անցնի 90-200մ տարածություն:
Առաջին պատվիրատուներն իրենց մեքենաները կստանան 2018թ.:
