Ամերիկյան Tesla ընկրությունն անվանափոխություն է կատարել: Ինչպես գրում է Motor.ru-ն` վկայակոչելով ամերիկյան աղբյուրը, ընկերությունը Tesla Motors-ի փոխարեն այսուհետ կկոչվի Tesla Inc.:
Դեռևս հայտնի չէ, թե ինչով է պայմանավորված Tesla ընկերության որոշումն անվանափոխության վերաբերյալ: Ամերիկյան աղբյուրի կարծիքով` դա կարող է կապված լինել էլեկտրամեքենաներ արտադրող ընկերության գործունեության ոլորտի ընդլայնման հետ:
Մեքենաներից բացի Tesla-ն և իրեն պատկանող ընկերությունները ներկայում զբաղվում են կենցաղային կիրառության մարտկոցների, ինչպես նաև արևային էներգիա ստանալու համար նախատեսված վահանակների արտադրությամբ:
Ներկայում Tesla-ի էլեկտրամեքենաների մոդելային շարքը կազմված է երկու մեքենայից` Model S և Model X: Ավտոարտադրողը մտադիր է արտադրության հանձնել նաև Model 3 ամենամատչելի մոդելը: Ակնկալվում է, որ նորագույն մոդելը վաճառքում կհայտնվի 2018-ին: