Գերմանական հեղինակավոր Volkswagen մեքենաշինական ընկերությունը 2016թ. վաճառել է ամենաշատ թվով մեքենաները՝ առաջ անցնելով իր գլխավոր մրցակցից՝ ճապոնական Toyota-ից:
Ինչպես նշում է Bloomberg-ը, 2016թ. Volkswagen-ի վաճառքի ցուցանիշն աճել է 3.8%-ով՝ հասնելով 10.3 մլն մեքենայի: Մինչդեռ Toyota-ի դեպքում աճի ցուցանիշը կազմել է 0.2% (10.2 մլն մեքենա):
Աղբյուրը մանրամասնում է, որ Volkswagen-ը գերազանցել է ճապոնական ավտոբրենդին արտասահմանյան շուկայում մեքենաների վաճառքի ծավալով: Գերմանական ավտոկոնցեռնն ավելացրել է վաճառքի ցուցանիշները մասնավորապես Չինաստանում, ինչը պայմանավորված է հարկերի իջեցմամբ: