Միացյալ Նահանգների 45-րդ նախագահ Դոնալդ Թրամփի նորաստեղծ վարչակազմում ներառված բարձրաստիճան պաշտոնյաների կարողության ընդհանուր չափը հասնում է 14 մլրդ դոլարի:
Այս մասին հայտնում է The Daily Mail-ը՝ նկատելով, որ սա ԱՄՆ պատմության մեջ ամենահարուստ վարչակազմն է:
Նշվում է, որ ամերիկյան նոր իշխանությունների ֆինանսական կարողության վերաբերյալ տեղեկությունները ներկայացրել են նրանց հետ աշխատող մասնավոր բանկիրները, ֆինանսական գծով խորհրդատուները:
Նշենք, որ նախկինում մի շարք հայտնի իրավապաշտպան կազմակերպություններ դժգոհությամբ են նկատել, որ 70-ամյա հանրապետականն իր շուրջը հավաքել է բիզնես ոլորտի «ծանրքաշայիններին», որոնց բանկային հաշիվներին միլիոնավոր, միլիարդավոր դոլարներ կան:
«Թրամփն իր շուրջ հավաքել է միլիարդատերերի թիմ, իսկ դա վկայում է, որ նա սխալ ուղղությամբ է շարժվում»,-ասել է աշխարհում աղքատության և անհավասարության հարցերով զբաղվող Oxfam International կազմակերպության ղեկավար Ուինի Բյանիման: