Ռուսական «Գազպրոմ» ընկերությունն ու Իրանի պետական նավթային ընկերությունը (NIOC) համագործակցության վերաբերյալ համաձայնագիր են ստորագրել: Այդ մասին Twitter-ում հայտնել է Ռուսաստանի էներգետիկայի նախարարությունը, գրում է gazeta.ru-ն:
«Հուսով եմ, որ այսօր փաստաթղթի ստորագրմամբ «Газпром нефть»-ը կսկսի իր գործունեությունն Իրանի տարածքում երկու հանքավայրում»,- ասել է Իրանի նավթի հարցերով նախարար Բիժան Զանգանեն:
Նա նաև հավելել է, որ պաշտպանում է Իրանի շուկայում ռուսական ընկերությունների ակտիվությունը:
Ինչպես հայտնում է «ՌԻԱ Նովոստի»-ն՝ վկայակոչելով Ռուսաստանի վարչապետ Դմիտրի Մեդվեդևին, «Գազպրոմ»-ը հետաքրքրվում է Իրանում արդյունահանման, հեղուկ բնական գազի արտադրության, գազի մատակարարումների ոլորտում նախագծերով:
