Ժամագործության ոլորտի ամենահարգված բրենդներից մեկի՝ Patek Philippe-ի՝ չժանգոտող պողպատից պատրաստված ժամացույցը (Patek Philippe Ref. 1518) Ժնևում կայացած աճուրդում վաճառվել է 11.136.642 դոլարով:
Ինչպես նշում է luxurylaunches.com կայքը, շատերին կթվա, թե նմուշի աստղաբաշխական արժեքը պայմանավորված է դրա վրա բարձր կարատանոց ադամանդների և ոսկու առկայությամբ, սակայն իրականում ժամացույցն ունի պարզ դիզայն ու պատրաստված է պողպատից:
Աղբյուրը նկատում է, որ 1941թ. ստեղծված ժամացույցի առանձնահատկությունն այն է, որ այն ունի հավերժական ժամատախտակ՝ լուսնային փուլերով ու արաբական թվերով:
Նշվում է, որ Patek Philippe Ref. 1518-ը դարձել է երբևէ աճուրդով վաճառված ամենաթանկ ձեռքի ժամացույցը: Հետաքրքրական է նաև, որ դրա մեկնարկային գինը եղել է 3 մլն դոլար:
