Շվեյցարական Ժնևում կայացած աճուրդի ժամանակ Sotheby's-ը վաճառել է 8.01 կարատ քաշով հազվագյուտ երկնագույն ադամանդ, որը կոչվում է Sky Blue և համարվում է աշխարհում ամենագեղեցիկներից մեկը:
Ինչպես նշում է euromag.ru-ն, ինքնությունը բացահայտել չցանկացող գնորդը երկնագույն քարի համար վճարել է 17.1 մլն դոլար, ինչը մոտ 8 մլն դոլարով ցածր է աճուրդի տան մասնագետների տված կանխատեսումից:
Աղբյուրը մանրամասնում է, որ Cartier մատանու կենտրոնական հատվածը զարդարող ադամանդը վերջին անգամ աճուրդի էր հանվել 2012թ.՝ վաճառվելով 12.8 մլն դոլարով: Փաստորեն՝ 4 տարվա ընթացքում դրա արժեքը բարձրացել է ավելի քան 5 մլն-ով:
Ինչպես ավելի վաղ հայտնել էր tert.am-ը, Sky Blue-ն Sotheby's-ի մասնագետների կողմից գնահատվել էր 25 մլն դոլար:
