Forbes ամսագիրը հրապարակել է 400 ամենահարուստ ամերիկացիներիների ամենամյա վարկանիշային աղյուսակը, որը 23-րդ անգամ գլխավորել է Microsoft-ի համահիմնադիր Բիլ Գեյթսը:
Վերջինիս ունեցվածքը Forbes-ը գնահատել է 81 մլրդ դոլար, որը 6 մլրդ-ով ավելին է, քան մարտին էր, երբ ամսագիրը հրապարակել էր աշխարհի ամենահարուստ մարդկանց ցուցակը, որը ևս գլխավորել էր Գեյթսը:
Երկրորդ տեղը հարուստ ամերիկացիների ցանկում զբաղեցրել է Amazon-ի հիմնադիր և ղեկավար Ջեֆ Բեզոսը` 67 մլրդ դոլարով: Մարտին հրապարակված համաշխարհային ցուցակում միլիարդատերը զբաղեցրել էր 5-րդ հորիզոնականը:
Berkshire Hathaway ընկերության գլխավոր տնօրեն Ուորեն Բաֆեթը եզրափակում է առաջատար եռյակը` 65.5 մլրդ դոլարով:
Ամերիկացի մեծահարուստների ցանկում 4-րդ տեղը զբաղեցրել է Facebook-ի ղեկավար Մարկ Ցուկերբերգը, որի կարողությունը կազմում է 55.5 մլրդ դոլար: Նրան հաջորդում է Oracle-ի հիմնադիր Լարի Էլիսոնը` 49.3 մլրդ դոլարով:
Նշվում է, որ կականց թիվը ցուցակում 46-ից հասել է 50-ի: Նրանցից ամենահարուստը դարձել է Wal-Mart կայսրության ժառանգորդուհի Էլիս Ուոլտոնը` 35.4 մլրդ դոլարով: Ընդհանուր ցանկում նա զբաղեցնում է 13-րդ տեղը:
Ցանկում տեղ գտած ամենաերիտասարդ ամերիկացին Snapchat-ի 26-ամյա համահիմնադիր Էվան Շպիգելն է, որի կարողությունը Forbes-ը գնահատել է 2.1 մլրդ դոլար: Նա գտնվում է 335-րդ տեղում: