Իրանը չի սառեցնի նավթի արդյունահանումը: Այդ մասին Նավթ արտահանող երկրների կազմակերպության՝ ՕՊԵԿ-ի ներկայացուցիչների նիստի արդյունքներով լրագրողներին հայտարարել է Իրանի էներգետիկայի նախարար Բիժան Նամդար Զանգանեն:
«Սառեցում չի լինի»,- ասել է նա՝ պատասխանելով հարցին, թե արդյոք Իրանը կնվազեցնի արդյունահանումը, գրում է «Независимая Газета»-ն:
Ընդ որում՝ նա հավելել է՝ թե որքան Իրանը կարդյունահանի՝ «կախված կլինի նոյեմբերին ՕՊԵԿ-ի պաշտոնական հանդիպման որոշումից»:
ՕՊԵԿ-ի անդամ երկրների ներկայացուցիչներն Ալժիրում անցկացված ոչ պաշտոնական հանդիպմանը համաձայնության են եկել նավթի արդյունահանման ծավալներն օրական 32.5 մլն բարել մակարդակի վրա սառեցնելու մասին: ՕՊԵԿ-ը մտադիր է դիմել մյուս երկրներին` կոչ անելով միանալ համաձայնագրին: